قلت لالا بنام وشذا مانيب رايحه قالت قومي منتي قادره تنامين من الالم اصلا:: وانا اكابر قلت لالالا بنام شوي لو رحت الحين بيلعبون فيني خليني اقل شي لين 9 قالت بكيفس اذا اونستي شي تعالي لمي او دقي علي والا تعالي ارقدي عندي بغرفتي
برضوا اكابر قلت لالا بروح انام على فراشي الجديد حق النفاس خخخخخ
والله واجي وانسدح وتجيني ذيك اللشطه يعني كنها سوط يلشط على ظهري واتالم واصيح بس دموع واقول يارب يارب وادعي دعاء المرض ههههه ياعمري ماكنت ادري انها طلوق مبدئيه
ويروح ويجي واتذكر سوالفنا هنا انو لازم تحسبين الوقت بين الطلقات
والله واحسب والجوال جنبي صارت كل 10 دقايق ثم يهجد ربع ساعه اغفي ياعمري ثم كن احد يشوتني على ظهري واقوم دقيت على امي قلت تعاااااااااالي (( انا طلعا بالمقلط وهي بغرفتها ))
جت بسم الله عليس وشفيس قلت بطني وظهري كلها سوا تعوررررررررني قالت قومي المستشفى :
قلت :i: يمه حرام عليس بيعذبوني ماشفت مويه ولا دم ليش اروح قالت الله يقطع هالكمبيوتر لاتطالعين غيرس انتي غير وهم غير كل ماقالت وحده شي قلت خلاص بصير زيها قومي المستشفى بعيد والصبح زحمه
وماني مصدقه اني بروح
قمت الحمام وابول الله يعزكم :: وانا زي هذا << بس دموع مو شهاق ونهاق يعني دلع وخوف :
طبعا متعوده بعد مااغسل لازم امسح بفاين
يوم مسحححححححححت واللقى شي لونه بني خفييييييف مره زي المويه ومادة لزجه بنيه
جيت مااستحيت وريت المنديل كذا امي قلت يمه شوفي وش طلع مني :: قالت الله يحوم كبدس البسي عبايتس يالله قايلتلس انا كانت الساعه 10 الصباح
اقرى اللوحه وفي نفسي اقول الله يالدنيا كنت امر من هنا والحين ادخله دخلت وامي بالسيب طبعا ممنوع ام زوج اخ اخت ايا كان يدخل قعدت امي ياعمري وفي معها 2 حريم امهات بنات جوا
دخلت وفسخت عبايتي ولبسي ولبسوني لبس يربط من ورى اشوى انه دافي ثقيل المهم ويسدحوني على السرير واسمع الي جنبي تون وتطن وادعي لها من قلب
والي قدامي كل غرفه مخاض فيها 4 اسره وكانت ماشالله كلها مليانه
وتجيني الدكتوره المناوبه على قسم الولاده هذاك اليوم وتخلي طبيبة امتياز تعبي نموذجي وتسولف معي هالطالبه ياحليلها واخلاقها
وتحاول تخفف علي تضحكني وتسولف وانا ماني بجوها بس اجامل وابتسم << يحليلي توني مابعد شفت الموت
قالت هاه بنت والا ولد قلت لا بنت ان شالله وتسولف عن الاسماء وتعبي نموذج وتقطع تسولف وترجع تعبي
شوي جت الدكتوره وتناظر ملفي قالت طالبه ابرة ظهر قلت ايييييييييييييييه تكفين ابيها قامت تضحك قالت الي يشوفس يقول مجربتها الحين انتي اول مره تولدين قلت ابيها وبس قالت طيب
وتجي الممرضه وتحللني شوي وتجيني الشيخه الدكتوره وتلبس قفاز والممرضه تعصر لها الجل قلت لالا :: تكفين لا قال وش الي لا لازم اشوف كم سم مفتوح قلت يرحم امتس وابوتس لا
قال وبعدين قلت بسرعه وبشويش قالت ماتجي بسرعه وبشويش قلت الا الا ؛؛ الحمدلله كني بزر ذيك الساعه ؛
وتخش علي قالت لسى وااااااااااحد سم فكو عنها جهاز التخطيط وودوها ماقبل الولاده
قلت وشو ذا بعد :: قالت خلاص ماراح تطلعين افضل لك انك تجلسين هنا عندنا
واطلع بعربيه واشوف امي قدامي قالت بسم الله عليس وين مودينس قلت تعالي تعالي مبسوووووطه كنت اني مافي ولاده
ويدخلوني غرفه دلع وحركات طبعا هالكلام الساعه 3
بسم الله ماشالله كانو الي معي بغرفة المخاض يطلقون يستغربون يشوفوني اقوم اصلي الظهر والعصر قلت لم وحده جنبي لاتطيرين عيوني ترى توني واحد سم لاتصكني بعين بعد
المهم وادخل جناح ماقبل الولاده الساعه 3 العصر وتجلس امي عندي ثم راحت وجت اختي وقعدو لين 9 اليل وراحو
واقعد واقعد واقوم امشي بالاسياب وادق على امي قلت ابي فاكهه وتجيني الساعه 12 مدري 1 وتجيب لي فاكهه
واكلها واحط حرتي بالرطب لااله الا الله سبحان الله تخيلو كل هالوقت مافي ولا طلق ولا الم مجرد ماوصلت تقريبا عاشر تمره
بديت اتمغص على خفيف وادق على خويتي ونسووووووووووووولف على الثابت وكل ماحسيت بالم انزل السماعه واذكر الله واسمي
وادق عليهم وتجي الممرضه قلت الم قوي وتركب الجهاز حق التخطيط قالت يالله البسي هذا اللبس الا هي بجامه زهريه دلع والله جوانب الاكمام لزق والبنطلون من جهة الرجول الداخليه برضو لزق مريحه وساتر احسن من ذاك المفتوح من ورى :
وتلبسني عباتي ونطلع للجناح حق الولاده واجي الا الممرضات متغيرات مهوب الي كانوالصبح
ويناظروني ويتبسمون الله مدام ايس هدا يناظرون البجامه قلت وشو قالو ملابس انتي مره نايس تقوم وحده راييييييييييقه تدور فيني على الممرضات تقول شوفو لبسها كنهم ماقد شافوه المشكله انه حقهم وتسالني تول هذا حقنا اقولها اي شوفي الطبعه
المهم وجت دكتوره هنديه قالت بكشف افسخي البنطلون كذا بتتعبين كل شوي كشف غيري لبسك وتجي النيرس قالت نو نو دكتوره وقامت ترطن معها (( يعني فكي اللزق من تحت بدون ماتفسخ البنطلون
ضحكت الدكتوره قالت قود قود
وكشفت وانطططط اعظم من نطتي يوم واحد سم قالت ارخي ارخي قلت لالالالالالالالا:i: والله اني اصارخ وافكر بالي جنبي مابي اروعهم بس شسوي
قلت كم قالت 3 سم قلت هاه كل هذا الوجع و3 سم ابي ابرة ظهر:i: بسرعه ابي ابي قالت لا اعطيك الابرة في 4 سم
وكل ممرضه تجي اقولها تكفيييييييييين ابي ابرة ظهر بسرعه نادي الدكتوره :i: شوي ويجي الالم ويروح ويجي ويروح ياربي لحظات ماانساها طول عمري
جت الممرضه ومدت لي الكمام الغاز المخدر قالت اذا جا الم خذي نفس وياعيني كنت مزكمه والخشم متقفل للاخر وشولن اخذ نفس ان اخذته من فمي دخل بطني لازم اخذه من خشمي عشان يطير براسي
بعد شوي تقريبا جت خدامه عند راسي وتمسح على راسي قالت انتي .... قلت اي قالت ماما برى احسبها تكذب لاني دايخه من الغاز ذا الي اشفطه قلت ابي اروح ابي امي ابي اشوفها سافهيني يحسبوني اخرف
شوي ويجيني حمام بول الله يعزكم واوم الحمام وافتح الباب حق السيب << والله اني زاحفه ممنوع جت الممرضه قالت سكري سكري برى رجال ممنوع مننوووووووووووووووع قفلي الباب قلت مابي ابي امي الا امي تجي وتسمي علي قالت هاه بشريني قلت يمه 3 سم :: قالت الحمدلله هانت
طبعا كنت جباره بس دموع مابعد جا الصياح وبنفس الوقت مابي اروع امي يكفي قلقها وهي برى
وارجع من الحمام وتجي الممرضه وتحط لي الحقنه مدري وش هي باااااااااااااااااارده قمت بعدها علطول الحمام خفت يجيني شي وانا على السرير واتفشل
قلت دكتوره عبير بسررررررررررررعه لانها اقولكم هي الاستشاريه الي كانت مناوبه الله يسعدها
وتجي قلت تكفين قالت سمي يمه هي كويتيه قلت ابي الابره قالت طيب الحين بس يجهزون الغرفه ونوديج هناك وتاخذينها بس هدي شوي
وفعلا ودوني للغرفه واذكر رقم 3 هههههههه رقم غرفة ولادتي وانسدح على السرير وانا يارب يارب ياارحم الرحمين يارب سهل علي يااااااااااااااااااااااااااااا اااااااااااااااااااااااااااااا ااااااااااربي ياربي << هذي اذا جت طلقه
والله الحمدلله مااذكر اني عد اصارخ صراخ الا فيه ذكر الله او يارب تنجيني من النااااااااااااااااااااااااااا اااااااااااااااااااااار بس كنت مزعجهبس الحمدلله بذكر الله
وتجي ممرضه وتركب المغذي قلت ابي ابرة تخدير وتجي وتطزني وحده في وركي وصرت احس باللطق بس على خفيف شوي قلت ابي غاز وتمد لي الكمام وهي تضحك يالبى قلب ذيك الممرضه اذا صرخت جت تحط خدها على راسي وتقول قولي بسم الله قولي بسم الله ياحبيبتي انتي خلاص خلاص الحين يجي بيبي بعدين انتي مبسوط
يالله ربي رزقني بها والله كانت دعوتي من حملت اللهم اني اسالك حسن الخلق وهون الطلق يارب لاتكشف عورتي للرجال يارب اطرحني في يد ناس يخافونك ويرحموني برحمتك يارب والله من حملت الين اخر صلاة صليتها في غرفة المخاض وهذي دعوتي
شوي وتطل علي الدكتوره اخبارج يابطله قلت ماني بطلللله ابي ابرة الظهر قالت عطوج ابرة ورك قلت مابي صايره احس بالالم قالت انزين بس انتظري شوي دكتورة التخدير عندها عمليه الحين فرحت وحزنت بنفس الوقت فرحت انها قالت دكتوره يعني حرمه وحزنت انها بتتاخر
سبحان الله والله يالجناح كان فيه دكاتره رجال لاكن ولله الحمد والله ولاواحد شاف وجهي ولا اصبع من يدي يارب لك الحمد
وانا اصلا تجيني من الله كذا دفعه بس خفيفه شوي قالت يالله يالله اقوى اقوى ود مريم برافو بعد بعد ماعرف ادف قالو لي كانك بتسوين براز لاني كنت اعطيهم دف غلط
شوي واشوف المشرط واخذ غااااااااااز عشان ادخل عالمي شوي ويالله يالله يالله وعبوره تدف بطني ومريم تسحب الراااااااااااس ويقعدون الحمدلله الحمدلله مبروك مبروك شوي وئ وئ وئ الساعه 12 ونص الظهر بس ثلاث وئات قلت يمه بنتي وش فيها وخلوني خمس دقايق ثم جت قالت يالله دفي شوي بس وتطلع البشيمه وخلوني 10 دقايق ثم جت حقة الخياط الي مدري وش هي بالضبط عجزت افهم لون لبسها كان وردي والممرضات اخضر طبعا والي فيهم سماوي هذي وردي المهم جت هاه جاهزه يا حلوه والا نايمه ليني فعلا خلالالالالالالالالالالاص مابقى فيني الا قلبي ينبض دايخه وكل شي قلت وش باقي بعد شكيت ان فيني توام قالت الخياطه
قلت بسرعه قالت مافي بسرعه خياطتك داخلي وخارجي وهذا الكمام عندك اذا حستيتي بالم شمي لانهم ماكثر لك البنج لافي ابرة الظهر ولا الورك لانك كنتي 7 سم وفعلا حسيت بها وهي تخيط لولا الله ثم هالغاز خفف علي شوي